منوعات بسكوتة

كلمات أغاني ألبوم رامي جمال 2020 أنا لوحدي كاملة

نقدم لكم كلمات أغاني ألبوم رامي جمال 2020 أنا لوحدي حيث أعلن المطرب المصري رامي جمال عن صدور ألبومه الغنائي لعام 2020 بعنوان أنا لوحدي.

يحتوي ألبوم رامي جمال 2020 أنا لوحدي على 15 أغنية رائعة وهم «سقف، بيهم كلهم، لقلبك سلام، استغنيت، فاهمني، فكرة المتساب، بعد ما أغيب، مش ملاحظ حاجة، مين غيرك فالقلب، اللي مشيوا، أنا لوحدي، أدّف يا مراكبي، مَغِيرتش، عيونك خطر ولو عالنسيان».

ونقدم لكم في هذا التقرير كلمات جميع أغاني ألبوم رامي جمال 2020 أنا لوحدي.

كلمات أغاني ألبوم رامي جمال 2020 أنا لوحدي

كلمات أغنية سقف

كلمات: محمد عاطف
ألحان: رامي جمال
توزيع موسيقي وتسجيل: وسام عبد المنعم

  • الدنيا طعمها سُكرى
  • زى الملبن الطرى
  • والعمر قلم رصاص بيخلص كل مايتبرى
  • لو حظك بوز زغزغه تلقى المشاكل اتلغوا
  • ياما ناس بدأت من تحت الصفر اتدلعوا واتنغنغوا
  • ولو الظروف هتسخف، سقف سقف إوعى توقف
  • سقف سقف إوعى توقف سقف سقف إوعى توقف
  • لو الظروف هتسخف، سقف سقف إوعى توقف
  • سقف سقف إوعى توقف
  • عايزها متبقاش ضيّقة بطل بَص وبحلقة
  • الرضا بيجيب بغددة
  • والبحلقة بتجيب زحلقة
  • اهدا يا بنك النرفزة
  • وبلاش تُنكش على الأذى
  • متنّشنش ومتشدش واضحك هو إحنا فى عزا

روابط ذات صلة ::

كلمات أغنية بيهم كلهم

كلمات: أحمد المالكي
ألحان: رامي جمال
توزيع موسيقي وتسجيل: وسام عبد المنعم

  • قول حبيبى إنك معايا وجنب منى
  • دى الحقيقة ولا حلم وطال شوية
  • والكلام الحلو ده بتقوله عنى
  • يعنى فعلا دنيتى رضيت عليا
  • وعد منى تعيش معايا سنين معشتش زيهم
  • أحلامك اللى حلمتهم
  • انسى الحياة والدنيا دى وتعالا نهرب منهم
  • مبقتش عايز ناس خلاص جالى اللى بيهم كلهم
  • يالى سايب ليا روحك ومأمنى
  • اللى فاتك من الحياة هتعيشه بيا
  • وفى عيونك ألف حاجة مفرحنى
  • والحياة بتزيد جمال لو بصوا ليا

كلمات أغنية لقلبك سلام

كلمات: أحمد عرفان
ألحان: محمد أنيس
توزيع موسيقي وتسجيل: أحمد المغربي

  • بتدور الدنيا والأيام
  • ويفضل حلم من الأحلام
  • مبيفارقش يوم قلبى ولقلبك سلام
  • بحاول أنسى زى الناس
  • بحاول أبدل الإحساس
  • وأشوفك بالعيون ذكرى مش نافع خلاص
  • تعرف أنت الفراق عمل إيه
  • خلانى وحدى برجع أعيش أيامنا زمان من تانى عشان منساش
  • اسأل أنت النجوم والليل تحكيلك عن دموع حد
  • لو فى نهاية الكون هيجيلك
  • يا ليك يا بلاش
  • مكانليش حب من قبليك يعلمنى لو فاتونى عينيك
  • أعدى إزاى أنا وأنسى وأعيش بعديك
  • يفوت من العمر مهما يفوت
  • مادام كان فى مابينا وعود هكدب عينى فى غيابك وأقول موجود

كلمات أغنية استغنيت

كلمات: أحمد المالكي
ألحان: ياسر نور
توزيع موسيقي وتسجيل: نادر حمدي

  • لو حد شافه يقوله بلاش يقرب مني أحسنله
  • ويلحق نفسه قبل ما يجى وأقسى عليه
  • ولو عالحب راح ومجاش
  • ولو قدامى هيبانله
  • هيسمع مني كل كلام يبكى عينيه
  • استقويت لو مات قدام عينيا عمره مايصعب عليا
  • والله ده فيه حلال
  • استغنيت مبقاش يلزمنى تانى بقى سيرة مضحكانى
  • بقى صفر على الشمال
  • لو مد إيده بأى سلام هترجع فاضية واكسفها
  • وهوجع قلبه زى ما قلبى وجعه زمان
  • معدش ما بينا أى كلام
  • دى حاجة ياريته يعرفها
  • بلاش لو صدفة يجمع بينا أى مكان

كلمات أغنية فاهماني

كلمات: أحمد المالكي
ألحان: رامي جمال
توزيع موسيقي وتسجيل: كريم عبد الوهاب

  • فاهماني وعارفة إزاى تفرّحني وتسعدني
  • دي أكتر حد يعرفني ويفهم مالي من حضني
  • فاهماني وعارفة إزاي تقويني وتسندني
  • دي أكتر حب طمني وبيها نصيبي عوضني
  • بشوف الدنيا بعينيها وألاقي الفرحة جوايا
  • وثانية حب وياها تساوي حياة
  • أمان الدنيا في إيديها
  • وهي سعادتي وهنايا ده حلم وعشت أيامي عشان ألقاه
  • من تاني بقالي مكان وأجمل حب غيرني
  • وعايشة الدنيا علشاني ورايا عشان تكبرني
  • في عينيها بلاقي حنان ونظرة حب تسحرني
  • ولو غابت وجت تاني جمالها يزيد وتبهرني

كلمات أغنية فكرة المتساب

كلمات: محمد أبو نعمة
ألحان: رامي جمال
توزيع موسيقي وتسجيل: كريم عبد الوهاب

  • بعاند فكرة المتساب عشان أهدى
  • وبجبر عقلي في غيابك يكون نسّاي
  • يقولوا إن إنتي سبتيني دي تتعدى
  • لكن يتقال كرهتينى تعدي إزاي
  • شهادة حق من غيرك بتتشاف الحياة واقفة
  • وده بيجرح فى إحساسي ودي بتشمت وتتشفى
  • وأبان هادي وأقول عادي يومين وتقابلوها معايا
  • يفوت كام يوم ويسألوا فين أقول أهي ساكنة جوايا
  • بطمن قلبي وبقول الوجع هيروح
  • تروح أيامي ويطول الوجع ويزيد
  • بقيت بتمنى أعيش جنبك وأنا مجروح
  • عشان مبقتش قد الجرح وأنتي بعيد
  • بقول من البعد متعبتش وبتعب كل ما بفكر
  • وأبيّن إنى متسابتش عشان الشكل مش أكتر
  • ما بين الضعف والتانى بقيت بتظاهر إنى بعيش
  • ضِعفت عشان وحشتينى عشان مبوحشكيش

كلمات أغنية بعد ما أغيب

كلمات: جمال الخولي
ألحان: رامي جمال
توزيع موسيقي وتسجيل: وسام عبد المنعم

  • مش دلوقتي بس أكيد هيجيلك وقت
  • وهتتمنى لو اللي ما بينا مضيعتوش
  • مش دلوقتي بس افتكر أنت اللي بدأت
  • واللي بيبدأ الأيام مبترحمهوش
  • أنا بعد ما أغيب هتفوق عالدنيا دي لوحدك وبطولك بس
  • أنا بعد ما أغيب هتعيش زي الناس العايشة بالاسم وبس
  • على ناس تشبهلي وعلى صدفة
  • على ريحة يوم من أيامي
  • هتدور بعد ما أروح منك على أحلى ما فيك
  • هتخاف تطمن من غيري
  • طول ما أنت بعيد مش قدامي
  • هتحس بروحك مش عارف تتلم عليك
  • شوفلك حضن من دلوقتي يساع الحزن
  • والإحساس بالذنب اللي أنت متعرفهوش
  • شوفلك حضن تجري عليه ساعة ما تحن
  • حضني حلفت عليك من يومها متدخلهوش

كلمات أغنية مش ملاحظ حاجة

كلمات: أحمد المالكي
ألحان: رامي جمال
توزيع موسيقي وتسجيل: وسام عبد المنعم

  • مش ملاحظ حاجة غريبة
  • إن شكلى إحلو مثلًا لما سيبتك
  • وإني مش لايقة إني أكون فعلًا حبيبتك
  • آه صحيح والحياة إحلوّت فى غيبتك
  • لا ملاحظ إن أنا مرتاح
  • زهقت خناق ملل وجراح
  • كإنك شر سابنى وراح
  • وقربك مني هم انزاح
  • بنزل وأجى وقت ما أعوز
  • مفيش فى حياتى لويِة بوز
  • بقيت دلوقتى أقول للناس أنا محظوظ
  • نرجع إيه
  • مش ملاحظ إنى بضحك أنت عارف ضحكي ليه
  • عاللي سابني وحس فجأة إني بحلو فى عينيه
  • إيه اللى جابك ما أنت كنت رميت وراك
  • أنت صح أنا مستاهلش أكون معاك
  • ومين قالك طلبت رجوع ده بعدك عني كان راحتي
  • لو أنتي بجد عايزة رجوع وجودك مش في مصلحتي
  • نسيتك قافل الموضوع ياريت تتقبلي صراحتي
  • لو أنتى لاحظتي حاجة وشوفتي حاجة بجد عينيك مخدوعين
  • مش ملاحظ حاجة غريبة
  • مش ملاحظ حاجة غريبة
  • إن صوتك مش بيعلى ومش طريقتك
  • هادي جدًا مهما أقولك أو ضايقتك
  • آه صحيح أنت فجأة فضيلي وقتك؟؟؟
  • لا ملاحظ إن أنا كسبان وحابِب نفسى زى زمان
  • وشايف عمرى بالألوان وهادي بجد مش قلقان
  • معادش في يومي أى خناق ومين للهم ده يشتاق
  • في يوم ما مشيتي قلبي ارتاح وبالي أهو راق

كلمات أغنية مين غيرك فالقلب

كلمات: شادي نور
ألحان: بلال سرور
توزيع موسيقي وتسجيل: توما

  • مين غيرك فالقلب، يا روح القلب، ملكت القلب
  • مين غيرك حبيب القلب، متسألنيش
  • دانت حب العمر، لقاك كان حلم و فرصة عمر
  • عايزلك عمر فوق العمر و مايكفيش
  • تروح أيام و تيجى أيام ولسه هواك مبيسبنيش
  • تروح أيام، تروح أيام، وتيجى أيام، وتيجى أيام
  • ولسه هواك، ولسه هواك، مبيسبنيش
  • لو عليا تغيب، بتوحشني بشكل غريب
  • بحبك، حب أمره عجيب ومنه مفيش
  • حب ماللي بجد، قليل حد حبه لحد
  • مليش سلطان عليه ولا يد والله ماليش
  • تروح أيام و تيجى أيام ولسه هواك مبيسبنيش
  • تروح أيام و تيجى أيام ولسه هواك مبيسبنيش
  • تروح أيام، تروح أيام، وتيجى أيام، وتيجى أيام
  • ولسه هواك، ولسه هواك، مبيسبنيش

كلمات أغنية اللي مشيوا

كلمات: جمال الخولي
ألحان: بلال سرور
توزيع موسيقي: أحمد إبراهيم
تسجيل: محمد عدس

  • اللي مشيوا كتير بجد، واللي فضلوا قليلين، الحبايب كل يوم بيقلوا واحد
  • كل قرب نهايته بعد، طب نهاية البُعد إيه، ولا هو البُعد شاطر بس ياخد
  • يا سنين، جايين خليكي أحن من الماضي
  • محناش، ناقصين هنفارق مين المرادي
  • محناش، قادرين وحياتك تاني على الحرمان
  • وحياة، الشوق يا سنين وحياتك تراضينا
  • وبلاش، في أعز الناس وحياتك تأذينا
  • و حياة، حبايبنا اللي أخدتيهم منا زمان
  • اللي لمسة إيده حضن، واللي حضنه كأنه بيت، واللي وقت الجرح كان دايما مكاني
  • كل يوم الشوق يحن، كل يوم بنقول ياريت، مين يجيب الناس دى لينا يا قلبي تاني
  • يا سنين، جايين خليكي أحن من الماضي
  • محناش، ناقصين هنفارق مين المرادي
  • محناش، قادرين وحياتك تاني على الحرمان
  • وحياة، الشوق يا سنين وحياتك تراضينا
  • وبلاش، في أعز الناس وحياتك تأذينا
  • و حياة، حبايبنا اللي أخدتيهم منا زمان

كلمات أغنية أنا لوحدي

كلمات: محمد عاطف
ألحان: رامي جمال
توزيع موسيقي و تسجيل: وسام عبد المنعم

  • إزاي ارتاح، وأنا شايفك غايب ومفارق
  • مين قالك بعدك مش فارق، مفيهوش معاناة
  • فين ما بيتراح، بفتكرك وبتوحش عيني
  • أصل اللى ما بينك وما بينى عمري ما هنساه
  • طب وأنت مكانك مين يملاه، صدقني رجوعك بتمناه
  • أنا لوحدي، وبيعدي، عليا العمر بيعدي
  • لكن لسه الأمل عندي، في يوم يا حبيبى نتلاقى
  • عليك باقي، ولا لاقي، حلول تنهيلي أشواقي
  • مكانش في بالي ده نهائي، مبقاليش عالفراق طاقة
  • أحلى الأوقات، مع بعض احنا زمان عيشناها
  • فين أحلامنا اللي حلمناها لسنين قدام
  • كان بينا حاجات، يا حبيبى مايعرفهاش غيرنا
  • كنا بنتحدى بمشاعرنا خوف الأيام

كلمات أغنية أدّف يا مراكبي

كلمات: محمد عاطف
ألحان: رامي جمال
توزيع موسيقي و تسجيل: وسام عبد المنعم

  • أدّف يا مراكبي
  • أدّف يا مراكبي وعدينا البر التاني
  • فى موجة بعيد جاية علينا مخوفاني
  • يا طير يا سارِح أمانة تسبقلي داره
  • ياريت تنادي لهوانا وأعرف أخباره
  • وحشاني الابتسامة وحشانى عينيه
  • أنا باقى عليه لسه عُمري ما نسيت وعوده
  • ليلي حلفلي ميطلع قمري إلا فى وجوده

كلمات أغنية مغيرتش

كلمات: تامر حسين
ألحان: مدين
توزيع موسيقي: نادر حمدي
تسجيل: محمد إسماعيل

  • مغيرتش وأنت بتقولي بقالك بعد مني حبيب
  • وعمري ما غيرت على حاجة مبملكهاش
  • بعاملك عادي دلوقتي معاملة أي حد غريب
  • ولو توصلني أخبارك مبسمعهاش
  • أنت ليه جاي تصارحني
  • ده أنت مش فارق معايا والكلام ده مش جارِحني
  • عمري ما بصيت ورايا
  • أنت أولى تعيش حياتك
  • ده اللي في عيونك بايِنلي
  • لو أنت نسيتني ليه جِيتلي
  • ما دام عايش في حب جديد
  • كلامك ليا مش فاهم ده إيه معناه
  • دي أكتر حاجة تثبتلي بإنك مش ناسيني أكيد
  • ومهما تقولي حبيته هقولك لأ

كلمات أغنية عيونك خطر

كلمات: تامر حسين
ألحان: رامي جمال
توزيع موسيقي و ميكساج: شريف مكاوي
ديجيتال ماستر: توما

  • عارف بقالي قد إيه مستني أعيش اللحظة دي
  • مستني كلمة يا حبيبي تتقال قصاد الدنيا دي
  • دي عيونك خطر وأنا ولا خطر فى بالي
  • أعشق القمر ده والنهاردة مكتوبالي
  • ألمسك بإيدي دي الليلة نولتهالي
  • هو أنا بحلم ولا ده بالظبط إيه
  • دي عيونك خطر وأنا ولا خطر فى بالي
  • أعشق القمر ده والنهاردة مكتوبالي
  • ألمسك بإيدي دي الليلة نولتهالي
  • اليوم ده هفضل طول حياتي مش ناسيه
  • الفرحة نسيتني الكلام
  • قرب في حضني ياريت قوام
  • يا حبيبي لو صدقت عيني بعد اللي شايفه ده مش هنام

كلمات أغنية لو عالنسيان

كلمات: رقية عبد العزيز
ألحان: رامي جمال
توزيع موسيقي، ميكساج وتسجيل غناء: كريم عبد الوهاب

  • لو عالنسيان فمحدش فينا أكيد ناسي
  • إحنا بنتهرب مش أكتر من سيرِة بعض
  • علشان هيبان إن إحنا الاتنين بنقاسى
  • وإن إحنا الاتنين مطلعناش قادرين عالبعد
  • بِنعاند روحنا ومش حاسين
  • بنموت بعض بقالنا سنين
  • أنا وقلبي أنا وقلبي في بُعده بقينا في متاهة
  • مبلحقش أنسى بفتكره مبلحقش أنسى بفتكره
  • بتوحشني بتوحشني ليالينا اللي عيشناها
  • حياتي أهي واقفة من بعده، حياتي أهي واقفة من بعده
  • من يوم ما مشيت وأنا حاسس نفسي بقيت فاضي
  • لا في روح جوايا ولا حياتي بعديه ليها طعم
  • وإن كنت نسيت فأنا نسيت أنسى إنه حياتي
  • حبنا عمره ما هيكون ماضي من باب العلم
  • إيه اللي كسبناه إحنا الاتنين بنحاول نثبت إيه ولمين
الوسوم

أحمد ناصر

أحمد ناصر، حاصل على بكالوريوس هندسة الطيران من جامعة القاهرة، أهوى التدوين وكتابة المقالات، أعشق كرة القدم ومتابعة الدوريات العالمية، فريقى المفضل الأهلي المصري محليًا وريال مدريد عالميًا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق